நட்சத்திரப் பெண்

நட்சத்திரப் பெண் – விஞ்ஞான சிறுகதைகள், ஆர்னிகாநாசர், தாமரை பிரதர்ஸ் மீடியா பிரைவேட் லிமிடெட், விலைரூ.200

நிஜமா, கற்பனையா என்று கண்டுபிடிக்க முடியாத அளவுக்கு விஞ்ஞானத்துடன் கதை பேசி வடிவம் கொடுத்துள்ளார் ஆர்னிகா நாசர்.

இளமை துள்ளும் எழுத்துக்கு காதலும், அறிவியலும் கைகோர்த்து வெற்றி மகுடம் சூட்டுகின்றன. காலக் கடிகாரத்தை கொண்டு நல்லதை முடிக்கப் போகிறார் என்று நினைக்கும் போது, முடிவிலும் நிஜத்தைப் போலவே சோகத்தை தருகிறார்.

ரோபோ குழந்தையை பேச வைத்து அதிரச் செய்கிறார். பூனையும், எலியுமான ‘டாம் அண்டு ஜெர்ரி’ கதை வெகு சுவாரசியம். ‘கிளைமாக்ஸ்’ சரியான டச். ‘பல்லி’ கொஞ்சம் கூட எதிர்பாராத கதை.

சஞ்சயா… சுந்தரமா… பரிதாபமாக பலியாகும் அறிவியல் ஆடு. கணநேரத்தில் ஒரு காதல், அந்த காதலும் உருத்தெரியாமல் பொடி பொடியாய் உதிரும் சோகம் என, விஞ்ஞான ரேகைகள் எழுத்துகளாய் உருமாறி அதிசயம் செய்கின்றன. வானவில் போல மனசுக்கும், விரிந்து சிறகடிக்கும் கற்பனைக்கும் வண்ணம் சேர்க்கின்றன. எல்லாமுமாக சேர்ந்த ‘ஏ’ கிளாஸ் கதை. ஆர்னிகா நாசரின் கற்பனைக்கு ஒரு கைதட்டல்.

– எம்.எம்.ஜெ.,

நன்றி: தினமலர்.24/10/21

இந்தப் புத்தகத்தை ஆன்லைனில் வாங்க: https://dialforbooks.in/product/1000000030819_/

இந்தப் புத்தகத்தை வாட்ஸப்பில் ஆர்டர் செய்ய: 9500045609

இந்தப் புத்தகத்தை போன் மூலம் வாங்க: டயல் ஃபார் புக்ஸ் – 04449595818