அகமும் புறமும்
அகமும் புறமும், கீதா, புதிய தலைமுறை வெளியீடு, சென்னை, விலை 80ரூ.
சிறப்பான வாழ்க்கையை மேற்கொள்ள ஒரு மனிதனுக்கு என்ன தேவை என்பதை விளக்கும் நூல். வீட்டின் ஒவ்வொரு பகுதியும் எப்படி இருக்க வேண்டும் என ஆழமாகப் பேசுகிறது நூல். சமையலறையின் அமைப்பிலிருந்து வீட்டை குளிர்ச்சியாக வைத்திருக்கும் வழிகள் வரை அனைத்தையும் தெரிந்துகொள்ளலாம். -கவின்மலர். நன்றி: இந்தியா டுடே, 30/7/2014.
—-
போர்ப் பறவைகள், வி.டில்லி பாபு, மித்ர ஆர்ட்ஸ் கிரியேஷன்ஸ், சென்னை, விலை 100ரூ.
ஒரு குறிப்பிட்ட துறை சார்ந்த நூல்கள் தமிழில் அரிதாகவே வருகின்றன. அந்த வகையில் அரிதான நூல் இது. சாமானியர்கள் அதிகம் அறிந்திராத ராணுவத்தினர் மட்டுமே அறிந்த போர் விமானங்கள் குறித்து விரிவாக பேசும் புத்தகம் இது. புகைப்படங்களுடன் ஒவ்வொரு வகை போர் விமானம் குறித்த கட்டுரைகள் பயனுள்ளவை. -கவின்மலர். நன்றி: இந்தியா டுடே, 30/7/2014.