முதுமை இனிமை

முதுமை இனிமை, பேராசிரியர் ச. வின்சென்ட், பன்முகம், பக். 80, விலை 80ரூ.

முதுமை தவிர்க்க முடியாதது. முதுமையை ரசிக்கும் பண்பை கொண்டிருந்தால், முதுமையை வெல்லலாம் என, இந்த நூலில் பல உதாரணங்களை காட்டி அழகாக விளக்கியுள்ளார் நூலாசிரியர்.

முதுமையின் தனிமையிலிருந்து தப்பிக்க, குறிக்கோளை வைத்துக் கொள்ள வேண்டும் எனவும், நகைச்சுவை வாழ்க்கையை அமைத்துக் கொள்வதும் முதுமையை மறக்கச் செய்யும் என விளக்கியிருப்பது வித்தியாசமாக இருக்கிறது. முதுமையில் உடல் நலம் பேணுவதில் அக்கறை காட்டுவதன் அவசியத்தை, கதைகளுடன் விளக்கியிருப்பது, நூலைப் படிக்க அலுப்பு தட்டாமல் உள்ளது.

மேலும், நம் நாட்டில் முதியோர்களின் எண்ணிக்கை அதிகரித்து வரும் நிலையில், அவர்களுக்கான உரிமைகள் வழங்கப்படுகிறதா எனக் கேள்வி எழுப்பி, அதற்கான வழிமுறைகளையும் தெரிவித்திருப்பது சிறப்பாகும்.

-மேஷ்பா.

நன்றி: தினமலர், 1/1/2017.