சுக்கா… மிளகா… சமூக நீதி?

சுக்கா… மிளகா… சமூக நீதி?  ஒரு மிக நீண்ட நெடிய வரலாறு,  மருத்துவர் ச.ராமதாசு, செய்திப்புனல், பக்.512,  விலை ரூ.500;

இட ஒதுக்கீடு என்றால் என்ன? இந்த உரிமையை நிலைநாட்ட எவ்வளவு போராட்டங்களும் தியாகங்களும் செய்யவேண்டி வந்தது என்பதை இந்நூல் விளக்குகிறது.

ஒட்டுமொத்த இந்தியாவின் இடஒதுக்கீட்டு வரலாற்றையும் குறிப்பாக, கேரளா-தமிழ்நாடு-கர்நாடகா- ஆந்திரப்பிரதேசம் ஆகியவற்றின் இட ஒதுக்கீட்டிற்கான வரலாற்றையும் எழுதியிருக்கிறார்.

பிரிட்டிஷ் ஆட்சியில் பின் தங்கியோர் கல்வி மேம்பாட்டுக்காக 1885-இல் அளிக்கப்பட்ட நிதி உதவி; நீதிக்கட்சி ஆட்சியில் 1927-இல் வகுப்புவாரி பிரதிநிதித்துவத்துக்கான ஆணை வெளியிடப்பட்டது; 1935-இல் சென்னை மாகாணத்தில் அமைந்துள்ள மத்திய அரசு அலுவலகங்களில் இடப்பங்கீட்டு முறை அறிமுகமானது; அதன் பின்னர் சுதந்திரத்துக்குப் பிறகு, கடந்த 1994 வரை 47 ஆண்டுகள் இடப்பங்கீட்டு முறை நடைமுறைப்படுத்தாதது குறித்தெல்லாம் நூலாசிரியர் விரிவாக எடுத்துரைக்கிறார்.

கல்வி-வேலை வாய்ப்புகளுக்காக மத்திய அரசால் அமைக்கப்பட்ட காகா கலேல்கர், பிந்தேஸ்வரி பிரசாத் மண்டல்கமிஷன்கள் ஏற்படுத்தப்பட்ட வரலாறு-கமிஷன் அறிக்கைகளை நாடாளுமன்றத்தில் வைக்காமலும், நடைமுறைப்படுத்தாமலும் இருந்ததைக் கண்டித்து பா.ம.க. நடத்திய போராட்டங்கள், வி.பி.சிங் பிரதமரானதும் மண்டல் அறிக்கையை வெளியிட்டது;27 % இட ஒதுக்கீடு அறிவிப்பு- அதனால் அவர் தனது ஆட்சியை இழந்தது; நரசிம்மராவ் பிரதமரானதும் மண்டல் சிபாரிசின் படி 27 % இட ஒதுக்கீடு அமல்படுத்தும் வகையில்,ஆந்திர மாநில ராஜசேகர ஆச்சாரிக்கு பணி வழங்கித் தொடங்கி வைத்தது என பல்வேறு ஆதாரங்களுடன் நூலாசிரியர் விவரித்துள்ளார்.

பாட்டாளி மக்கள் கட்சி நிறுவனராக தமிழகத்தில் , எம்.ஜி.ஆர் , கருணாநிதி, ஜெயலலிதா ஆட்சிக் காலத்தில் அவர் வைத்த கோரிக்கைகள், நடத்திய பல்வேறு வகையான போராட்டங்களின் விளைவாக 69 சதவிகிதம் இட ஒதுக்கீடு கிடைத்தது, 9-ஆவது அட்டவணையில் அதைச் சேர்க்க வகை செய்தது, 107 சமுதாயங்களை உள்ளடக்கிய வன்னியர் பிரிவினருக்கு 20 சதவிகிதம் ஒதுக்கீடு பெற்று தந்தது என இடஒதுக்கீடு தொடர்பான அவருடைய நடவடிக்கைகளின் பயன்களைப் பற்றி இந்நூல் மூலம் அறிய முடிகிறது. சிறந்த ஆவணம்.

நன்றி: தினமணி, 15/3/2021.

இந்தப் புத்தகத்தை ஆன்லைனில் வாங்க:https://dialforbooks.in/product/1000000031018_/

இந்தப் புத்தகத்தை வாட்ஸப்பில் ஆர்டர் செய்ய: 9500045609

இந்தப் புத்தகத்தை போன் மூலம் வாங்க: டயல் ஃபார் புக்ஸ் – 04449595818

Leave a Reply

Your email address will not be published.