இந்த வானம் இந்த பூமி இந்த வாழ்வு இந்த மரணம்

இந்த வானம் இந்த பூமி இந்த வாழ்வு இந்த மரணம், ஏவியன், பத்திரிகையாளர் பதிப்பகம், விலை 200ரூ.

மனிதனில் புதைந்திருக்கும் கெட்ட குணங்களை சுட்டிக்காட்டி அவனை திருத்த முயற்சிக்கும் கட்டுரைகளை எழுதியிருக்கிறார் ஏவியன். உலக மனித ஒட்டு மொத்த சமூகத்தின் சரியான விடியலைத் தேடும் முதல் தொடக்கமாக இதனைப் பிரகடனப்படுத்துகிறேன் என்கிறார் ஆசிரியர். பாராட்டுக்குரிய லட்சியம். நன்றி: தினத்தந்தி, 13/1/2016.  

—-

வங்கமொழி சிறுகதைகள் தொகுதி 3, சாகித்ய அகாடமி, விலை 400ரூ.

வங்க மொழியில் எழுதப்பட்ட 27 சிறுகதைகளின் தொகுப்பு நூல். இதை வங்க எழுத்தாளர் அஷ்ரு குமார் சிக்தார் தொகுத்துள்ளார். சாகித்திய அகாடமி வெளியிடும் வங்க மொழி சிறுகதைகளின் மூன்றாவது தொகுதி இது. இந்தியாவின் சுதந்திரத்திற்குப் பிறகு எழுதப்பட்ட இந்தச் சிறுகதைகள், புதிய தேசத்தின் கதையைப் புதிய பாணியில் சொல்பவையாய் அமைந்துள்ளன. மொழிபெயர்ப்பு நூல் என்று கூற முடியாத அளவுக்கு இந்த நூலை பெ. பானுமதி தமிழில் மொழி பெயர்த்திருக்கும் பாங்கு பாராட்டத்தக்கது. நன்றி: தினத்தந்தி, 13/1/2016.