தலைவர் காமராஜரின் மறுபக்கமும் குமரி விடுதலைப் போரும்

தலைவர் காமராஜரின் மறுபக்கமும் குமரி விடுதலைப் போரும், முனைவர் ஏ. லாரன்ஸ்மேரி, ரா.செ. துரைராஜ் நாடார் நூற்றாண்டு விழா குழு வெளியீடு, நாகர்கோவில், விலை 100ரூ.

தமிழக எல்லைப் பகுதிகளை, தாய் தமிழகத்துடன் இணைப்பதற்காக நடைபெற்ற போராட்டங்களில் பெருந்தலைவர் காமராஜரின் பங்களிப்பு குறித்து பலவிதமான செய்திகள் பரப்பப்படுகின்றன. அந்தச் செய்திகளின் உண்மைத் தன்மை என்ன என்பதை இந்த நூலில் முனைவர் ஏ.லாரன்ஸ் மேரி ஆராய்ந்து எழுதியுள்ளார். பல நூல்களில் இருந்து குறிப்புகளைத் திரட்டியும், குமரி விடுதலைப் போராட்டத்தில் பங்கேற்றவர்களிடம் செய்திகளைச் சேகரித்தும் எழுதப்பட்ட இந்த நூல் ஒரு வரலாற்று ஆவணம். நன்றி: தினத்தந்தி, 23/9/2015.  

—-

சித்த மருந்துகளும் பயன்படுத்தும் முறைகளும், தமிழறிஞரும் சித்த மருத்துவருமான இராம.மெய்யழகன், பெரியகொல்லப்பட்டி வெளியீடு, நாமக்கல், விலை 100ரூ.

அனைத்து நோய்களும் மூலிகையை பயன்படுத்தி குணமாக்க முடியும் என்பதை நூலாசிரியர் இந்த நூலில் சித்த மருந்துகள் தயாரிக்கும் முறையுடன் காட்டி உள்ளார். நன்றி: தினத்தந்தி, 23/9/2015.