வா. மு. சேதுராமனின் தமிழ்ப்பணி
வா. மு. சேதுராமனின் தமிழ்ப்பணி, சேதுச்செல்வி பதிப்பகம், சென்னை, விலை 200ரூ.
வாழ்க்கையில் எதிர்நீச்சல் போட்டு, உயர் கல்வி பயின்று, முனைவர் பட்டம் பெற்றவர் பெருங்கவிக்கோ வா.மு.சேதுராமன். அண்மையில் 80 வயது நிறைந்து, முத்து விழா கொண்டாடியவர். வாழ்நாளில் கணிசமான பகுதியை வெளிநாடுகளில் சுற்றுப்பயணம் செய்து, தமிழின் பெருமையை பரப்பி வருகிறவர். கவிதை, உரைநடை, சொற்பொழிவு என்று பல துறைகளில் தமிழ்ப்பணியாற்றி வருகிற பெருங்கவிக்கோவின் தமிழ்த்தொண்டினை வா.மு. சேதுராமனின் தமிழ்ப்பணி என்ற தலைப்பில் ஆய்வு செய்து, டாக்டர் பட்டம் பெற்றுள்ளார் ச. குணா. அந்த ஆய்வேடு இப்போது நூல் வடிவம் பெற்றுள்ளது. பெருங்கவிக்கோவின் பரந்து விரிந்த தமிழ்ப்பணிகளை சிறப்பாக படம் பிடித்து காட்டியுள்ளார் ச. குணா. நன்றி: தினத்தந்தி, 22/4/2015.
—-
குறள் நெறிக் கட்டுரைகள், புலவர் எழில். சோம. பொன்னுசாமி, எழில் இலக்கியப் பேரவை, சென்னை, விலை 150ரூ.
திருக்குறளில் மருத்துவம், கனியிருப்பக் காய் எதற்க, கல்விச் செல்வம், திருக்குறளில் ஊக்கமுடைமை, நட்பு உள்ளிட்ட பல்வேறு தலைப்புகளில் குறள் நெறிக் கட்டுரைகள் கொண்ட நூல். நன்றி: தினத்தந்தி, 22/4/2015.