நலம் நலமறிய ஆவல்

நலம் நலமறிய ஆவல், போல் ஜோசப், மணிமேகலைப் பிரசுரம், விலை 180ரூ.

“இந்த நோய்க்கு இது தான் மருந்து, சாப்பிடுங்கள்” என்று கூறி அனுப்பிவிடுவது மட்டும் மருத்துவம் அல்ல என்பதையும், மருத்துவம் என்பது உளவியல் சார்ந்த பல அம்சங்களையும் உள்ளடக்கியது என்ற கருத்தையும் இந்த நூலைப் படிக்கும்போது தெரிந்து கொள்ள முடிகிறது.

மருத்துவம் படித்துப் பட்டம் பெற்று கனடா நாட்டில் பணியாற்றும் போல் ஜோசப் என்ற மருத்துவர், தற்கால மக்களுக்குத் தேவையான பயனுள்ள பல மருத்துவ உளவியல் ஆலோசனைகளை இந்த நூலில் தந்து இருக்கிறார். மக்களிடம் அதிக அளவில் பயன்பாட்டில் இருக்கும் செல்போன் மற்றும் வன்முறை வீடியோ விளையாட்டுக்கள் போன்றவற்றால் ஏற்படும் ஆபத்துகளைப் பட்டியலிட்டு இருக்கும் ஆசிரியர், கணவன் மனைவி இடையேயான தாம்பத்திய உறவு என்பதே வரும் முன் காக்கும் ஒரு மருத்துவ முறை என்ற வித்தியாசமான கருத்தைத் தெரிவித்து இருக்கிறார். கணவன் மனைவிக்கு இடையே ஏற்படும் மணமுறிவுக்குக் காரணம், அவற்றை எவ்வாறு தவிர்க்கலாம் என்பது போன்ற தகவல்களையும் தந்து இருக்கிறார். எளிமையான நடையில் எழுதப்பட்டுள்ள இந்த மருத்துவ நூல் குடும்பத்தினர் அனைவருக்கும் பயன் உள்ளதாக இருக்கும்.

நன்றி: தினத்தந்தி.

இந்தப் புத்தகத்தை வாட்ஸப்பில் ஆர்டர் செய்ய: 9500045609

இந்தப் புத்தகத்தை போன் மூலம் வாங்க: டயல் ஃபார் புக்ஸ் – 04449595818