உலக வரலாறு

உலக வரலாறு, ஐ. சண்முகநாதன், பூம்புகார் பதிப்பகம், விலை 750ரூ.

உலகம் தோன்றியது முதல் இன்று வரை நிகழ்ந்த முக்கிய நிகழ்வுகள் இந்த நூலில் இடம் பெற்றுள்ளன. உலகம், இந்தியா, தமிழ்நாடு என்ற தலைப்புகளில் நிகழ்ச்சிகள் தொகுக்கப்பட்டுள்ளன.

உலகம் என்ற தலைப்பில் பூமி தொடங்கியது எப்படி என்பது தொடங்கி உலகில் நடந்த முக்கிய செய்திகள் இடம் பெற்றுள்ளன. குறிப்பாக முதல் உலகப்போர், இரண்டாம் உலகப் போர், சந்திரனில் மனிதன், கென்னடி சுட்டுக்கொலை, இலங்கையில் போர் முடிந்தது போன்ற அனைத்துச் செய்திகளும் இடம் பெற்றுள்ளன. இந்தியா என்ற தலைப்பில் ஆதிகாலத்து இந்தியா தொடங்கி, நரேந்திரமோடி பிரதமர் ஆனார் என்பது வரையிலான செய்திகள் உள்ளன. தமிழ்நாடு என்ற தலைப்பில் குமரிக்கண்டம் தொடங்கி ஜெயலலிதா மரணம் வரையிலான செய்திகள் இடம் பெற்றுள்ளன.

இந்த நூலை மத்த பத்திரிகையாளர் ஐ.சண்முகநாதன்(நாதன்) எழுதியுள்ளார். இந்த நூலில் இல்லாத செய்திகளே இல்லை எனலாம். நூற்றுக்கணக்கான நூல்களைப் படித்தால் மட்டுமே தெரிந்துகொள்ளக்கூடிய தகவல்களை, இந்த ஒரே நூல் மூலம் அறிய முடியும் என்பதை உறுதியாகக் கூறலாம். 624 பக்கங்கள் கொண்ட இந்தப் பெருநூல் முழுவதும் வண்ணத்தில் அச்சிடப்பட்டுள்ளது.

“வரலாற்று மாணவர்க்கே வியப்பூட்டும் பல செய்திகள் நூலெங்கும் கொட்டிக்கிடக்கின்றன. தெளிந்த நடையில், குளிர்ந்த மொழியில் அபூர்வத் தகவல்கள் விதைக்கப்பட்டிருக்கின்றன.” என்று அணிந்துரையில் கவிப்பேரரசு வைரமுத்து குறிப்பிட்டிருப்பது உண்மையின் உரைகல் ஆகும்.

நன்றி : தினத்தந்தி,23/8/2017.