அறவாணரின் படைப்பிலக்கியங்கள்

அறவாணரின் படைப்பிலக்கியங்கள், தமிழ்க்கோட்டம் வெளியீடு, சென்னை, விலை 200ரூ.

பேராசிரியர், எழுத்தாளர், பேச்சாளர், தலைசிறந்த ஆய்வறிஞர், மொழிபெயர்ப்பாளர் போன்ற பன்முகத் திறமை கொண்டவர் க.ப. அறவாணன். கலையும், இலக்கியமும் வாழ்க்கைக்காக என்னும் கருத்துடைய அறவாணரின் சிறுகதை மற்றும் நாவல்களை ஆராய்ந்து வீர. ஆதிபராசக்தி இந்த நூலைப் படைத்துள்ளார். அறன், அன்பு, ஒழுக்கம், நேர்மை, கடமை தவறாமை போன்றவை அவரது படைப்புகளில் பரிணமிக்கின்றன. படைப்பிலக்கியங்களில் மனித சமுதாயத்தை முன்னேற்றிச் செல்ல வேண்டும் என்பதற்கு அவரது சிறுகதைகளும், நாவல்களும் முன்னோடிகளாக அமைந்துள்ளன என்பதை இலக்கிய தராசில் நூலாசிரியர் எடை போட்டுள்ளார். நன்றி: தினத்தந்தி, 22/4/2015.  

—-

உனது பெயரால் உயிர் வாழ்கிறோம், இஸ்லாமிய டிரஸ்ட் நிறுவனம், சென்னை, விலை 100ரூ.

அல்லாஹ்வின் 99 திருநாவல்களில் சில பெயர்களைத் தலைப்பாக கொண்டு இறைவனின் பண்புகளை மவுலவி நூஹ் மஹ்ழரி இந்த நூலில் விளக்கியுள்ளார். இறைவனின் பண்புகளை நாம் அறிந்து கொள்ளும்வகையில் பல வரலாற்று நிகழ்வுகளை எளிய தமிழில் எடுத்துச் சொல்கிறார். நன்றி: தினத்தந்தி, 22/4/2015.