புனையா ஓவியம்

புனையா ஓவியம், அநன், காவ்யா, சென்னை 24, பக். 210, விலை 180ரூ.

சங்கத் தமிழ் நூல்கள் குறித்து பல்வேறு ஆய்வு நூல்கள் வெளிவந்துள்ளன. வெளிவந்து கொண்டிருக்கின்றன. அவற்றிலிருந்து முற்றிலும் மாறுபட்டதாக உள்ளது இந்நூல். மடல், மன்றல், காஞ்சி, நடுகல், வையை, யானைக்கொடி, மருதம், பாலை, கோ, உணவு, உடை, புனையா ஓவியம், வி, நீர் மேல் எழுந்த நெருப்பு, அகத்தில் வரலாறு என சின்னச் சின்னத் தலைப்புகளிலான 15 கட்டுரைகளின் அணிவகுப்பு. அழகிய தொகுப்பு. தலைப்புகளில்தான் சொற்சிக்கனம். ஆனால் கட்டுரைகள் விரிவாகவும், ஆழமாகவும், நேர்த்தியாகவும், தெளிவாகவும் கருத்துக்களை எடுத்துரைக்கின்றன. ஒவ்வொரு கட்டுரையும் குறுந்தொகை, ஆசாரக்கோவை, நற்றிணை, பரிபாடல், பதிற்றுப்பத்து, அகநானூறு எனப் பல்வேறு சங்கப்பாடல் வரிகளின் துணையுடன் அற்புதமான சிறுகதை போலச் செதுக்கப்பட்டுள்ளன. மேலும், நூலாசிரியரின் நடை, எளிமையும், நீரோடைபோல நாவலுக்குரிய வசீகரத்தையும் கொண்டிருப்பதால் நூலை எடுக்கும் வாசகர்களை ஒரே மூச்சில் படிக்க வைக்கும் என்பது உண்மை. கட்டுரைகள் சங்க காலத்தை சங்க காலத்தமிழர்களை, அவர்தம் வாழ்வை கண்முன்னே கொண்டுவந்து காட்டும் நூல். நன்றி: தினமணி, 2/12/13.  

—-

வாய்ப்புற்று நோயும் விழிப்புணர்வும், டாக்டர் கே.எம்.கே. மஸ்தான், மணிமேகலைப் பிரசுரம், 7, தணிகாசலம் சாலை, தி.நகர், சென்னை 17, விலை 45ரூ. To buy this Tamil book online – www.nhm.in/shop/100-00-0002-184-5.html

வாய்ப்புற்று நோயைக் குறித்தும் அதை எப்படி எதிர்கொள்வது என்பதற்கும் இந்நூல் வழிகாட்டுகிறது. புகையிலைப் பழக்கத்திலிருந்து விடுபடுவதற்கும் சிறந்த சிகிச்சைக்கான மருத்துவமனைகள் பற்றிய ஆலோசனைகளும் இதில் உள்ளன. நூலில் ஆங்காங்கே கொடுக்கப்பட்டுள்ள குறிப்புகளும் பயனுள்ளவை. நன்றி; இந்தியா டுடே, 11/12/13.