உலகத் தகவல் களஞ்சியம் 100

உலகத் தகவல் களஞ்சியம் 100, பூங்கொடி பதிப்பகம், சென்னை, விலை 125ரூ.

நமக்கு ஆச்சரியம் தரும் தகவல்கள், விசித்திரமான தகவல்கள், பயனுள்ள தகவல்கள் எவ்வளவோ இருக்கின்றன. அவற்றை சிரமப்பட்டுத் தொகுத்துத் தந்திருக்கிறார் மனோஸ். பூமிக்கு வரும் ஆபத்து, மிதக்கும் விமான நிலையம், தனியாகக் கடலைக் கடந்த பெண், நாளிதழ் இல்லாத நாடு, இந்தியாவின் ஒரே பெண் சுல்தான் இப்படி ஏராளமான தகவல்கள். உலகின் முதல் பெண் டாக்டர் பற்றிய தகவல் மிகவும் ஆச்சரியத்தைத் தருகிறது. ஆண்கள் மட்டுமே டாக்டர்களாக இருந்த கால கட்டத்தில் (1800ம் ஆண்டில்) இங்கிலாந்தை பூர்வீகமாகக் கொண்டு அமெரிக்காவில் வசித்த எலிசபெத், பல தடைகளையும், கேலி, கிண்டல்களையும் தாங்கிகொண்டு டாக்டரான வரலாற்றை சுவைபடக்கூறுகிறார் மனோஸ். பயனுள்ள புத்தகம். நன்றி: தினத்தந்தி, 30/4/2014.  

—-

இந்து இஸ்லாம் கிறிஸ்துவத்தில் முத்தான சிந்தனைகள், முனைவர் சோ. சேசாச்சலம், மணிமேகலை பிரசுரம், சென்னை, விலை 70ரூ.

இந்து இஸ்லாம் கிறிஸ்துவ மதங்களின் புனித நூல்களான பகவத் கீதை, பைபிள், குர்ஆன், புகாரி முதலிய நூல்களில் உள்ள சிறந்த கருத்துக்களை தொகுத்துத் தந்தள்ளார் ஆசிரியர். அனைத்து மதத்தினரும் படிக்கும்வகையில் நல்ல கருத்துக்களை கொண்ட நூல் நன்றி: தினத்தந்தி, 30/4/2014.