அருந்தவப்பன்றி

அருந்தவப்பன்றி, பாரதி கிருஷ்ணகுமார், சப்னா புக் ஹவுஸ், விலை 140ரூ.

மகாகவி பாரதியாரை அருந்தவப்பன்றி என்ற அடைமொழியுடன் அழைக்கும் இந்தப் புத்தகத்தின் தலைப்பு, சிலருக்கு வித்தியாசமாகத் தோன்றலாம். ஆனால் அந்தச் சொல், தன்னைப் பற்றி பாரதியாரே கூறிய சொல் என்பதை இந்த நூல் மூலம் அறியும் போது வியப்பாக இருக்கிறது.

பாரதியார் சில காலம் கவிதைகள் ஏதும் எழுதாமல் மிகுந்த துயரத்தில் வாழ்ந்து வந்தார். அவருடன் இருந்த கவிதை தேவி அவரை விட்டுப் பிரிந்ததாகவும், சில ஆண்டுகள் கழித்து கவிதை தேவி தன்னை அடைந்த பிறகே மீண்டும் கவிதைகளை எழுதியதாகவும் தனது வரலாற்றை பாரதியே ஆவணப்படுத்தி இருக்கிறார்.

சோதனை மிக்க அந்தக் காலத்தில் வாழ்ந்த தனது வாழ்க்கையை இழிந்த பன்றியின் வாழ்க்கையோடு ஒப்பிட்டு பாரதி கூறி இருப்பதை இந்த நூல் விளக்கமாக தருகிறது. பாரதியாரின் துயரம் மிகுந்த பாடல்களில் ஒன்றான தனிமை இரக்கம் மற்றும் கவிதா தேவி அருள் வேண்டல் ஆகிய பாடல்களுடன் பாரதியார் எழுதிய சின்ன சங்கரன் கதை என்ற சிறுகதையையும் இந்த நூலில் காணலாம்.

39 ஆண்டுகளே வாழ்ந்து உலகப் புகழ் பெற்ற பாரதியாரின் மற்றொரு முகத்தை இந்த நூல் சிறப்பாக படம் பிடித்துக்காட்டி இருக்கிறது.

நன்றி: தினத்தந்தி

இந்தப் புத்தகத்தை வாட்ஸப்பில் ஆர்டர் செய்ய: 9500045609

இந்தப் புத்தகத்தை போன் மூலம் வாங்க: டயல் ஃபார் புக்ஸ் – 04449595818