அசோகமித்திரன் சிறுகதைகள்

அசோகமித்திரன் சிறுகதைகள், தொகுப்பு க. மோகனரங்கன், காலச்சுவடு பப்ளிகேஷன்ஸ், விலை 1450ரூ.

274 சிறுகதைகள் கொண்ட அசோகமித்திரனின் ஒட்டு மொத்தத் தொகுப்பு இது. எல்லாவற்றையும் மொத்தமாகப் படிக்கும்போது, இலக்கியத்தில் அவர் எவ்வளவு தூரம் சமரசமின்றி செயல்பட்டு இருக்கிறார் என்பதைக் காணமுடிகிறது. சிறுகதை என்பது வெறும் மொழியோ, புனைவோ, வடிவநேர்த்தியோ, உத்திப்புதுமைகளோ மட்டுமன்று. அது அசோகமித்திரனின் எழுத்தில் வாழ்க்கையை உள்ளது உள்ளபடி காட்டுவது. அப்படிப் பார்த்தால் அவரின் கதைகளில் எப்போதும் மேலதிக ஆழமுண்டு.

மிக எளிய மனிதர்களின் நாடித்துடிப்புகளை ஆகப்பெரும் அன்போடும், கண்ணீரோடும் தொட்டுத் தடவி மீட்டுகிறார். படைப்பாளனுக்குள் செயல்பட வேண்டிய பணிவும், பக்கச் சார்பின்மையும் அவரிடம் நிறைந்திருக்கிறது. சிறுகதைகளின் விஸ்தாரமான கனத்தைப் பார்க்கும்போது, விலையைப் பார்த்து மிரள்வது பொருளற்றுப் போகும்.

சிறுதூறலாக ஆரம்பித்து பெருமழையெனப் பெய்கிறார் அசோகமித்திரன்.

நன்றி: குங்குமம், 23/9/2016.