பழனி வரலாற்று ஆவணங்கள்

பழனி வரலாற்று ஆவணங்கள், செ. இராசு, கொங்கு ஆய்வு மையம், விலை 200ரூ.

இந்த நூலில் பழனிமலை சுப்பிரமணியர் (முருகன்) கோயில், பெரியாவுடையார் கோவில் ஆகியவற்றில் உள்ள கல்வெட்டுக்களையும், பழனிமலை அடிவாரத்தில் உள்ள பல மடங்களைச் சேர்ந்த செப்புப் பட்டயம் ஆகிய ஆவணங்களையும் தொகுத்து வகைப்படுத்தி விளக்கங்கள் கொடுக்கப்பட்டுள்ளன.

நூலாசிரியர் செ. இராசு, தமிழ்ப் பல்கலைகக்ழகத்திலிருந்து ஓய்வு பெற்ற பிறகும் ஓயாது கள ஆய்வு செய்து மிகுந்த ஈடுபாடு கொண்டு செய்துள்ள இந்த ஆவணத் தொகுப்பு பல அரிய செய்திகளைக் கொண்டுள்ளது. இத்தொகுப்பில் உள்ள பல கல்வெட்டுகளும், செப்பேடுகளும் முதல் முறையாக இங்கு அச்சிடப்பட்டுள்ளன.

இது பழனியின் பண்டையப் பெருமைகளைப் பற்றித் தெரிந்து கொள்ள வாய்ப்பாக இருக்கும்.

நன்றி: தினத்தந்தி, 23/3/2016.