திருமந்திரம் மாணவர் செம்பதிப்பு

திருமந்திரம் மாணவர் செம்பதிப்பு, பகுதி 1, பகுதி 2, தொகுப்பு திருமூலம் திருமந்திரக் கல்வி அறக்கட்டளை, முல்லை பதிப்பகம், பக். 184, விலை 200ரூ.

திருமந்திரம் மாணவர் செம்பதிப்பு பகுதி – 1ல், மூல பாட ஆய்வில் திருத்திய திருமந்திரப் பாடல்களில் மூலம் மட்டும் அடங்கும். பகுதி – 2ல், மூல பாட ஆய்வில் திருத்திய, சொல் பிரித்த திருமந்திரப் பாடல்கள் மட்டும் தொகுக்கப்பட்டு உள்ளன.
டாக்டர் சுப.அண்ணாமலை, ஏற்கனவே அச்சில் வெளிவந்த, 11 திருமந்திரப் பதிப்புகளையும் பழமையான ஏட்டுச் சுவடிகளையும் ஒப்பாய்வு செய்து, பாடல்களை தந்திரங்கள் அடிப்படையில் பிரிக்காமல், எண்ணிக்கை அடிப்படையில் பிரித்து அதற்கான விளக்கங்களையும் வெளியிட்டார்.

செம்பதிப்பில், 49பாடல்கள் இரண்டு முறை வந்தனவாக விலக்கி, 2,998 பாடல்களைக் காட்டி அவற்றுள்ளும், 440 பாடல்கள் இடைச் செருகலாகலாம் எனக் காட்டி, திருமூலர் வாக்காக, 2,558 பாடல்களைத் தந்துள்ளார். ஏற்கனவே வந்த மூல பாட ஆய்வுப் பதிப்பில் (1997) ‘கூறியது கூறல்’ பொருட் சிறப்பு இன்மை, பொருட் பிழை, யாப்புப் பிழை, இலக்கணப் பிழை, வேறு நுாற் செய்தி இப்படியாக இடைச் செருகலுக்கான காரணங்களைக் காட்டி, தன் ஒப்பாய்வுக்கு வலுவூட்டியுள்ளார் சுப.அண்ணாமலை.
முற்றிலும் மாறுபட்ட அமைப்பு முறை என்றாலும், திருமந்திரத்தை எளிதாகப் பயிலும் வண்ணம், இடைச் செருகல்களை சாய்வெழுத்தாகத் தந்து, பிழையின்றி தொகுக்கப்பட்டுள்ள இந்நுால், மாணவர்கள் மட்டுமின்றி அனைவருமே எளிதில் படிக்கும் வண்ணம் வெளியிடப்பட்டுள்ளது வரவேற்கத்தக்க முயற்சி.

– பின்னலுாரான்

நன்றி: தினமலர், 3/2/19.

இந்தப் புத்தகத்தை ஆன்லைனில் வாங்க:

இந்தப் புத்தகத்தை வாட்ஸப்பில் ஆர்டர் செய்ய: 9500045609

இந்தப் புத்தகத்தை போன் மூலம் வாங்க: டயல் ஃபார் புக்ஸ் – 04449595818

Leave a Reply

Your email address will not be published.