தோல்வியை ருசியுங்கள் வெற்றியை ரசியுங்கள்

தோல்வியை ருசியுங்கள் வெற்றியை ரசியுங்கள், ‘ஆச்சி’ ஏ.டி. பத்மசிங் ஐசக், கண்ணதாசன் பதிப்பகம், பக்.320, சலுகை விலை 100ரூ.

தொழில் மேதை ‘ஆச்சி’ ஏ.டி. பத்மசிங் ஐசக் தோல்விகளை எதிர்த்துப் போராடி தான் கண்ட வெற்றிகளை தன் வாழ்க்கை வரலாறு எழுதுவதுபோல, வருங்கால இளைஞர்களுக்கு வழிகாட்டியாக இந்நூலைப் படைத்துள்ளார்.

ஒவ்வொரு அத்தியாயத்திலும் தன் அனுபவங்களை வெற்றிக்கான சூத்திரமாகத் தந்துள்ளார். தான் பிறந்து வளர்ந்த சூழல் பள்ளிப்படிப்பு, கல்லூரிக்குப்பின் பார்த்த வேலை, மாதச் சம்பளத்தை உதறிவிட்டு, புதிய தொழில் தொடங்கியது. அவரது மனைவியின் ஒத்துழைப்பு, குடும்பத்தார் ஒற்றுமை, அவரது பெற்றோரின் வழிகாட்டல்படி நடந்தது என்று எதைச் சொன்னாலும் அதில் வெற்றிக்கான சூட்சுமத்தைப் பொதிந்து தந்துள்ளார்.

படிக்கும் யாவரும் நாமும் ஒரு தொழில்முனைவராக இந்நூலைக் கற்றாலே போதும் என்ற எண்ணத்தூண்டும் வகையில் பல ஆலோசனைகள் வழங்கியுள்ளார். அன்பு, பணிவு, மரியாதை இவை இருந்தால் எந்தத் தொழிலிலும் சாதிக்கலாம் என்பதை அழுத்தமாகக் கூறுகிறார்.

நன்றி: குமுதம், 11/1/2017.