அதியமான் முதல் ஆங்கிலேயர் வரை

அதியமான் முதல் ஆங்கிலேயர் வரை, பா. சேதுமாதவன், உலா பதிப்பகம், திருச்சி, பக். 136, விலை 80ரூ.

சங்ககால மன்னர்கள் முதல் ஆங்கிலேயர்கள் வரை பலரும் சோழநாட்டைக் கைப்பற்ற முயற்சித்தனர். காரணம் அதன் பெருவளமும் புவியியல் ரீதியாக பெற்றிருந்த இயற்கை அமைப்புமேயாகும். இம்முயற்சியில் பலர் வெற்றியும் கண்டனர். பல மொழிகள், இனங்கள், தேசங்களைச் சேர்ந்தவர்களின் அரசியல் நிரிவாகத்தின் கீழ் சோழநாடு இயங்கி வந்ததால், காலந்தோறும் பல நெருக்கடிகளையும், பன்னாட்டு, கலாச்சார சமூக பொருளாதார மாற்றங்களையும், கலை, இலக்கிய வளர்ச்சியையும் பாதிப்பையும் கண்டது. இச்சரித்திரக் கூறுகளை சுருக்கமாக அதே சமயம் விளக்கமாக அடுத்த ஆய்விற்குரிய வகையில் எடுத்துரைக்கும் நூல் இது. நூலாசிரியரின் எளிய தமிழ்நடையும் வரலாற்றை சான்றாதாரங்களோடு தரும் முனைப்பும் நூலுக்குச் சிறப்பு. – இரா. மணிகண்டன். நன்றி: குமுதம், 20/4/2015.  

—-

தமிழ்நாட்டுத் தாவரக் களஞ்சியம் 1. அரசமரம், இரா.பஞ்சவர்ணம், தாவர தகவல் மையம், பக். 180, விலை 150ரூ.

தமிழ்நாட்டுத் தாவரக் களஞ்சியம் புத்தக வரிசையில் வெளியான இந்த நூலில் அரசமரம் பற்றிய முழுமையான தகவல்கள் தொகுக்கப்பட்டுள்ளது. நன்றி: தினத்தந்தி, 18/2/2015.