இல்லந்தோறும் இயற்கை உணவுகள்

இல்லந்தோறும் இயற்கை உணவுகள், டாக்டர் மதுரம் சேகர், நர்மதா பதிப்பகம், பக். 336, விலை ரூ. 170.

நோயற்ற வாழ்வே, குறைவற்ற செல்வம் என்றனர் நம் முன்னோர். நம் உடலுக்கு ஏற்படும் ஊறுகளிலிருந்து விடுபட பலவித இயற்கை உணவுகளை, இந்நூல் தெரிவிக்கிறது. உணவே மருந்து என்பதை இந்நூல் வாயிலாக அறிந்து கொள்ளலாம். இயற்கை உணவுகளின் வகைகளையும், சுவையூட்டும் சமைத்த உணவுகள் குறித்தும் இந்நூல் தெளிவாகக் கூறுகிறது. நலமுடன் இருக்க விரும்புவோர் படித்துப் பயன் அடையலாம். -டாக்டர் கலியன் சம்பத்து.    

—-

பின்நகர்ந்த காலம், வண்ணநிலவன், நற்றிணைபதிப்பகம், 243ஏ, திருவலிலிக்கேணி, நெடுஞ்சாலை, சென்னை 600005, பக். 272, விலை 200ரூ.

இணைய தமிழ் நட்பூவில் எழுதிய 48 கட்டுரைகளை நூல் வடிவில் ஒரு சேரப்படிக்கையில், வண்ண நிலவன் என்றொரு படைப்பாளியின் ஆத்மாவை தரிசிக்கும் வாய்ப்பு கிடைக்கிறது. சுயவாழ்க்கை அனுபவக் கட்டுரைகள், தொழில் (எழுத்து) செய்ய எடுத்த முயற்சி, அதன் மூலம் கிடைத்த அனுபவம் பற்றிய குறிப்புகள் எளிமையான வாழ்க்கை அனுபவங்கள் உணர்த்திய பாடங்கள். படிப்பினைகள், நட்புவட்டம். அதன் மூலம் கிட்டிய லாபமும், நஷ்டமும் ஒரு சராசரி தமிழ் எழுத்தாளர்களின் சுதந்திரமான சிந்தனையை படம் பிடித்துக் காட்டும் கட்டுரைகள் இவை. -ஜனகன். நன்றி: தினமலர், 24/11/13.