நூற்றாண்டு கண்ட புதுக்கோட்டைத் திரைக்கலைஞர்கள்

நூற்றாண்டு கண்ட புதுக்கோட்டைத் திரைக்கலைஞர்கள், பி.வெங்கட்ராமன், மணிவாசகர் பதிப்பகம், விலை 50ரூ.

நடிக மன்னன் பி.யூ. சின்னப்பா, திரைப்பட டைரக்டர் ப. நீலகண்டன், கவிஞர் கு.சா. கிருஷ்ணமூர்த்தி ஆகியோர் புதுக்கோட்டையைச் சேர்ந்தவர்கள், புகழின் உச்சத்தைத் தொட்டவர்கள். அவர்களின் நூற்றாண்டு விழா ஒரே நேரத்தில் கொண்டாடப்படுகிறது. எனவே மூவரின் சிறப்பை விவரிக்கும் இந்த நூலை எழுதியுள்ளார் பி. வெங்கட்ராமன். இவரும் புதுக்கோட்டைக்காரரே! இன்னும் நிறைய தகவல்களுடனும், படங்களுடனும் இதை பெரிய புத்தகமாக வெளியிடலாமே! நன்றி: தினத்தந்தி, 6/1/2016.  

—-

சிவரகசியம், கீர்த்தி, சங்கர் பதிப்பகம், விலை 85ரூ.

சிவபெருமானின் சிறப்புகளையும், பிரதோஷ காலச் சிறப்பு, திருநீற்றின் மகிமை உள்ளிட்ட பல்வேறு தலைப்புகளில் தொகுக்கப்பட்ட நூலாகும். பிரதோஷ கால சிவபூஜையின் பெருமை மற்றும் சிவ ரகசியங்களின் பெருமை உள்ளிட்ட அனைத்து சிவ ரகசியங்களையும் விரிவாக இந்நூல் விளக்குகிறது. தினத்தந்தி, 6/1/2016.