முக்கிய விண்ணப்பப் படிவங்கள்

முக்கிய விண்ணப்பப் படிவங்கள், வடகரை செல்வராஜ், ரேவதி பப்ளிகேஷன்ஸ், சென்னை, விலை 350ரூ.

இன்றைய காலகட்டத்தில் சில விண்ணப்பப் படிவங்களை நிரப்புவதில் பட்டதாரிகளே தள்ளாட்டத்தை சந்தித்து வருகின்றனர். அப்படியிருக்கையில் சரிவர படிக்காதவர்களின் நிலை சொல்லித் தெரிய வேண்டியதில்லை. அரசு துறைகளில் வழங்கப்படும் விண்ணப்பப் படிவங்களை சரிவர நிரப்பாததால், அவை நிராகரிக்கப்பட்டு கிடைக்க வேண்டிய பணியை இழந்தவர்கள்கூட இருக்கிறார்கள் என்ற தகவலே விண்ணப்பப் படிவத்தை பூர்த்தி செய்வதில் உள்ள முக்கியத்துவத்தை உணர்த்தும்விதமாக இருக்கிறது. இதுபோன்ற இன்னல்களில் இருந்து விடுவிக்கும் பொக்கிஷமாக இந்நூல் வெளியாகி உள்ளது. அரசுத் துறைகளில் பொதுமக்கள் பயன்படுத்தக்கூடிய சில முக்கிய விண்ணப்பப் படிவங்களின் மாதிரிகளும், அவற்றில் இணைக்க வேண்டிய சான்றிதழ்கள் பற்றிய தகவலும் இந்நூலில் தொகுக்கப்பட்டுள்ளது. நன்றி: தினத்தந்தி  

—-

யமுனா திரைக்கதை வசனம், கோமுகி பதிப்பகம், சென்னை, விலை 200ரூ.

யமுனா படத்துக்கு கதை வசனம் எழுதி டைரக்ட் செய்த இ.வி. கணேஷ்பாபு, படத்தின் திரைக்கதை வசனத்தை நூல் வடிவில் வெளியிட்டுள்ளார். இதில் ஒரு சிறப்பு என்னவென்றால் தணிக்கைக் குழுவுக்கு திரைக்கதை வசனம் எந்த வடிவில் அனுப்பப்பட்டதோ அதே வடிவில் புத்தகத்தில் இடம் பெற்றள்ளது. எனவே, திரை உலகினருக்கு இது ஒரு சிறந்த கையேடாக விளங்கும். நன்றி: தினத்தந்தி  

—-

இயற்கையும் தகவலும், புவனகிரி செயபாலன், விஜய் பதிப்பகம், கடலூர் மாவட்டம், விலை 160ரூ.

இயற்கை விவசாயம், இயற்கை உணவு, இயற்கை மருத்துவம் மற்றும் தகவல் அறியும் உரிமைச்சட்டம், அதன் உட்பிரிவுகள், தகவலை பெற விண்ணப்பிக்கும் முறை, மேல் முறையீடு செய்யும் முறை, இதைப் பயன்படுத்தி ஆதாரங்களைப் பெற்ற தகவல்கள், வருவாய் துறை சம்பந்தப்பட்ட பணிகள் போன்றவற்றின் தொகுப்பு நூல். நன்றி: தினத்தந்தி.