வீரபாண்டிய கட்டபொம்மன் சில நிகழ்வுகளின் பதிவுகள்

வீரபாண்டிய கட்டபொம்மன் சில நிகழ்வுகளின் பதிவுகள், இதயவேந்தன் வாசகர் வட்டம், சென்னை, விலை 135ரூ.

சிவாஜிகணேசன் நடித்த வீரபாண்டிய கட்டபொம்மன் முதலில் நாடக மேடையிலும் பிறகு வெள்ளித்திரையிலும் மாபெரும் சாதனை படைத்தது. அப்போது நடந்த விழாக்கள், தலைவர்களின் புகழாரங்கள், பத்திரிகை விமர்சனங்கள், சுவையான நிகழ்ச்சிகள் ஆகியவற்றை சிறப்பாகத் தொகுத்து, இந்தப் புத்தகத்தை உருவாக்கியுள்ள எஸ்.கே. விஜயன் பாராட்டுக்கு உரியவர். நிறைய படங்கள், அழகுக்கு அழகு சேர்க்கின்றன. சிவாஜி ரசிகர்கள் மட்டுமல்ல, எல்லோரும் படித்து ரசிக்கலாம். நன்றி: தினத்தந்தி, 15/7/2015.  

—-

நேர்மைக்கு கிடைத்த பரிசு, செம்போடை வெ. குணசேகரன், தெய்வீகா பதிப்பகம், சென்னை, விலை 100ரூ.

சிறுவர்களின் சிந்தனையைத் தூண்டும் சிறுகதைகளின் தொகுப்பு. கதைகள் நல்ல படிப்பினை தருவதாகவும் அமைந்திருக்கின்றன. நேர்மை, வாய்மை, தூய்மை ஆகியவற்றின் அவசியம் குறித்து எளிய நடையில் உணர்த்தியிருக்கிறார் நூலாசிரியர். நன்றி: தினத்தந்தி, 15/7/2015.