வெற்றிப் படிக்கட்டு (பாகம் 2)

வெற்றிப் படிக்கட்டு (பாகம் 2), ஹெச். வசந்தகுமார், வசந்த அண்ட் கோ, சென்னை, பக். 194, விலை 150ரூ.

தொழில் அதிபரும், காங்கிரஸ் பிரமுகருமான எச். வசந்த்குமார் தொலைக்காட்சியில் 5 நிமிட நேரம் சின்ன சின்ன குட்டிக்கதைகளைக் கூறி வாழ்க்கையில் வெற்றி பெறுவதற்கான வழிகளை எடுத்துரைத்தார். அவை இப்போது ‘வெற்றிப் படிகட்டு பாகம் 2’ என்ற பெயரில் புத்தகமாக வந்துள்ளது. குழந்தைகள், இளைஞர்கள், பெரியவர்களைக் கவரும் வகையில் தன்னம்பிக்கைக் கதைகளை எளிய நடையில் எடுத்துச் சொல்கிறார். வெற்றிப் படிக்கட்டுகளுக்கு நம்மை அழைத்துச் செல்கிறார். வாழ்வில் முன்னேறத் துடிப்பவர்களுக்கு இந்த நூல் ஒரு தூண்டுகோல். பளபளப்பான காகிதத்தில், பக்கத்துக்குப் பக்கம் வண்ண ஓவியங்களுடன் வெளிவந்திருப்பது நூலுக்கு அழகு சேர்க்கிறது. நன்றி: தினத்தந்தி, 18/3/2015.  

—-

நோய்களுக்கான பத்திய உணவு முறைகள், டாக்டர் யோ.ரா.மானக்ஷா, ஸ்ரீ செண்பகா பதிப்பகம், சென்னை, விலை 90ரூ.

17 வகையான நோய்களை குணப்படுத்துவதற்காக பத்தியத்துடன் கூடிய உணவு முறைகள் குறித்த தகவல்கள் கொண்ட நூலாகும். நன்றி: தினத்தந்தி, 24/3/2015.