திரையுலகப் பிரபலங்கள் 1

திரையுலகப் பிரபலங்கள் 1, ஏஎல். எஸ். வீரய்யா, திருவரசு புத்தக நிலையம், 23, தீனதயாளு தெரு, தி.நகர், சென்னை 17, விலை 125ரூ. To buy this Tamil book online – www.nhm.in/shop/100-00-0000-816-1.html

சுமார் 50 ஆண்டுகள் தமிழ்த் திரையுலகில் அனுபவம் பெற்ற இந்நூலாசிரியர், தமிழகத்தில் பல வெற்றிப் படங்களுக்குத் தயாரிப்பு நிர்வாகியாகப் பணியாற்றியவர். இவர் கவிஞர் கண்ணதாசனின் பாசறையில் உருவானதால், எளிய தமிழ் நடையில் நாடகம் மற்றும் சினிமா துறைகள் குறித்த நூல்களை எழுதும் எழுத்தாளராகவும் பரிணமிக்கிறார். சினிமா துறைக்குப் புதிதாக வருபவர்களுக்கும் மற்றவர்களுக்கும், இத்துறை சார்ந்த பழைய பல்வேறு தகவல்களை இலகுவாக அறிந்து கொள்ள இவரது நூல்கள் உதவுகின்றன. அந்த வகையில் தற்போது முதல் பாதமாக வெளியாகியுள்ள இந்நூலில் 1930களில் சினிமா துறையின் பல்வேறு தொழில்நுட்பங்களுடன் மாடர்ன் தியேட்டர்ஸ் என்ற ஸ்டூடியோவை சேலத்தில் முதல் முதலில் தொடங்கி, பல வெற்றிப் படங்களைத் தயாரித்த தயாரிப்பாளர் டி.ஆர்.சுந்தரம் தொடங்கி, ஜெமினி எஸ்.எஸ் வாசன், எல்.வி. பிரசாத், பி. நாகி ரெட்டி, ஏ.வி. மெய்யப்பன் என்று பிரபல தயாரிப்பாளர்கள் முதல், டைரக்டர்கள், இசையமைப்பாளர்கள், கதாநாயகர்கள், கதாநாயகிகள், காமெடியன்கள், வில்லன் நடிகர்கள், பாடலாசிரியர்கள், பின்னணிப் பாடகர்கள் என்று 1980 வரையிலான சுமார் 100 முக்கிய பிரபலங்களைப் பற்றிய அடிப்படை தகவல்கள் இந்நூலில் தொகுக்கப்பட்டுள்ளன. ஒவ்வொருவரைப் பற்றியும் இரண்டு பக்கங்களுள் அவரவர் புகைப்படத்துடன், குணநலன்கள், வரலாற்றுக் குறிப்புகள், சாதனைகள் போன்ற சுருக்கமானத் தகவல்கள் சேகரிக்கப்பட்டு தனித்தனியாகத் தொகுக்கப்பட்டுள்ளன. -பரக்கத். நன்றி: துக்ளக் 20/3/13.  

—-

ஸ்ரீரமணர், பருத்தியூர் டாக்டர் கே. சந்தானராமன், பூங்கொடி பதிப்பகம், 14, சித்திரைக்குளம் மேற்குத் தெரு, மயிலாப்பூர், சென்னை 4, பக். 64, விலை 30ரூ.

பகவான் ஸ்ரீ ரமண மகரிஷியை யார் எழுதினாலும், எப்போது படித்தாலும் அது பேரின்பம்தான். ஸ்ரீரமணரின் சிறுபிராயத்தில் இருந்து அவரின் வாழ்வில் நடந்த சுவையான, இறையனுபவங்களை பத்துப் பத்து வரிகளில் சிறப்புற தந்திருக்கிறார் நூலாசிரியர்.  

—-

சைவக் கோயில்களும் மனித உடலும், கோப்பாய் சிவம், சூட்புக்ஸ் பப்ளிகேஷன், பிளாட் 7, சீனிவாசா அபார்ட்மென்ட்1, தணிகாசலம் சாலை (மின் வாரியம் எதிரில்) தி.நகர், சென்னை 17, பக். 136, விலை 55ரூ.

ஆலய வழிபாட்டு முறைகள், சைவ சமயச் சடங்குகள், பஞ்ச குண்டம் மற்றம் நவகுண்ட பூஜைகள், பெரியபுராணத்தில் சிவாகம விளக்கம்.. என சின்னச் சின்ன தகவல்களைக் கொண்டு நூலாக்கியிருக்கிறார் ஆசிரியர். நன்றி: சக்தி விகடன், 25/12/12.