லைட்டா பொறாமைப்படும் கலைஞன்

லைட்டா பொறாமைப்படும் கலைஞன், இசை,  காலச்சுவடு பதிப்பகம், நாகர்கோவில், விலை 100ரூ.

சில்லென்று ஒரு தொகுப்பு! பாரதியின் கவிதைகளைப் பற்றிய நீண்ட கட்டுரை ஒன்றைக் கொண்ட இந்த கட்டுரைத் தொகுப்புக்கு நடிகர் வடிவேலுவைப் பற்றிய சின்னகட்டுரை ஒன்றின் தலைப்பை வைத்திருக்கிறார் கவிஞர் இசை. ஒரு வினோதமான ஆசை இது என்று முன்னுரையில் குறிப்பிடும்போதே இசை இந்த கட்டுரைத் தொகுப்பு எப்படி இருக்கும் என்பதைக் கோடிட்டுக்காட்டிவிடுகிறார். பெருமாள் முருகன் கவிதைகளுடனான பயணம், திருடன் மணியன் பிள்ளை புத்தகம் பற்றிய கட்டுரை, ஞானக்கூத்தன் கவிதைகள், கட்டுரை, க.மோகனரங்கனின் கவிதைத்தொகுப்பு பற்றி கட்டுரை என ரசனையான தொகுப்பு. பிசாசைக் கொண்டாடுதல் என்ற மிஷ்கினின் பிசுசாசு படம் பற்றிய பகிர்வும், குத்துப்பாடல்கள் பற்றிய பகிர்வும் வேறு தளத்திலிருந்து எழுதப்பட்டவை. எள்ளலும் கேலியும் கரிசனமும் மிகுந்த நடையில் எழுதப்பட்டிருக்கும் கட்டுரைகள். புதிதாகக் கட்டிய வீட்டுக்கு கவிஞர் இசை இல்லம் என்று பெயர் வைத்த தன் அப்பாவைப் பற்றி அவர் எழுதியிருக்கும் கட்டுரை நெகிழ்ச்சி! – அக்டோபர், 2015. நன்றி: அந்திமழை.