பூவின் இதழ்கள்

பூவின் இதழ்கள், த.கணேசன், நர்மதா பதிப்பகம், சென்னை, விலை 130ரூ.

50 விதமான கட்டுரைகளின் தொகுப்புநூல். இந்நூலின் ஆசிரியர் த.கணேசன், வானொலியில் பணியாற்றியபோது கிடைத்த அனுபவங்களை உண்மைச் சம்பவங்களை, கட்டுரை வடிவில் தந்துள்ளார். 35 ஆண்டுகால வானொலி வாழ்க்கையில் அவர் சந்தித்த மாமனிதர்களையும், மனித நேய நிகழ்வுகளையும், சுவையோடு ஒவ்கொன்றையும் ஒரு சிறுகதைப் பாங்குடன் எழுதியுள்ளார். இக்கட்டுரைகளைப் படிக்கும்போது மானுடத்தின் பல்வேறு முகங்களையும் தரிசிக்க முடிகிறது. ஊடகத் துறையில் பணியாற்ற வேண்டும். பயிற்சி பெறவேண்டும் என்போர்க்கு இது ஒரு வழிகாட்டி நூல். நன்றி: தினத்தந்தி, 24/3/2015.

—-

கொஞ்சம் பேசலாம், ஆண்டாள் பிரியதர்ஷினி, சூரியன் பதிப்பகம், சென்னை, விலை 160ரூ.

வாழ்க்கையில் ஏற்படும் அனைத்து பிரிச்சினைகளையும் ஆன்மிகத்துடன் இணைத்துப் பார்க்கும் பக்குவத்தை இந்த நூல் பல்வேறு உதாரணங்களுடன் அளிக்கிறது. அத்துடன் அனைத்து பிரச்சினைகளுக்கு தீர்வும் ஆன்மிகத்தில் உள்ளது என்பதையும் வலியுறுத்துகிறது. நன்றி: தினத்தந்தி, 24/3/2015.