விரும்பத்தக்க உடல் ; ஆசிரியர். உய்பெர் அதாத், தமிழில்: சு.ஆ.வெங்கட சுப்புராய நாயகர், காலச்சுவடு பதிப்பகம், விலை: ரூ.150. வாகன விபத்தில் மூளைச்சாவு ஏற்பட்ட ஒருவரது உடலைப் பல உறுப்புகள் செயலிழந்த நிலையில் கிடக்கும் செதெரீக்கின் தலையுடன் இணைக்கும் உறுப்புமாற்று அறுவைச்சிகிச்சை வெற்றி பெறுகிறது. செதெரீக்கின் தந்தை பெரும் செல்வந்தராகையால் இது சாத்தியமானது. இந்த அறிவியல் புரட்சியின் தலைமகன் செதெரீக் உடல் உபாதைகள், உளவியல் சிக்கல்கள் எனப் பல சவால்களை ஏற்கவேண்டிய இக்கட்டுக்கு ஆளாகிறான். இயற்கையின் முடிவினை எதிர்க்கவும், தவிர்க்கவும், துணியும் இந்த அறிவியல் […]

கருப்பட்டி, ஆசிரியர் : மலர்வதி,  காலச்சுவடு பதிப்பகம், விலை 175/- பெண்களில் விரல் விட்டு எண்ணக்கூடியவர்களே வட்டாரம் சார்ந்து எழுதுகிறார்கள். அதில் மலர்வதியும் ஒருவர். நாஞ்சில்நாட்டு மொழியும், அப்பகுதி மக்களின் வாழ்க்கையும் இவரது புனைவுகளில் அப்பிக் கிடக்கின்றன. ‘காத்திருந்த கருப்பாயி’, ‘தூப்புக்காரி’, ‘காட்டுக்குட்டி’ ஆகிய நாவல்களை எழுதியிருக்கிறார். வாசகர்களின் பெருவாரியான கவனம் பெற்ற ‘தூப்புக்காரி’ நாவலுக்கு சாகித்ய அகாடமியின் யுவபுரஸ்கார் விருது கிடைத்தது. ‘கருப்பட்டி’ இவரது முதல் சிறுகதைத் தொகுப்பு. கருப்பட்டி என்பது வெறும் இனிப்புப் பொருளன்று; பண்பாட்டின் குறியீடும்கூட.  அந்நில வாழ்க்கையின் ஒரு […]

கற்பனையான உயிரிகளின் புத்தகம்; ஆசிரியர்; ஹோர்ஹே லுாயிஸ் போர்ஹெஸ், வெளியீடு: எதிர், விலை 450/- பிரபல லத்தின் அமெரிக்க எழுத்தாளர், போர்ஹெஸ் எழுதிய நுாலை, தமிழாக்கம் செய்துள்ளார் கார்த்திகை பாண்டியன். உலகில் கற்பனையாக உருவாக்கப்பட்ட உயிரினத் தோற்றங்களை, மிகவும் வினோதமாக அணுகியுள்ளது இந்த நுால். மானுட வளர்ச்சியில், கற்பனை சித்திரங்களுக்கு முக்கிய இடம் உண்டு. நம்பிக்கையாக, தத்துவத்தின் பிம்பமாக, செயலின் ஊற்றுக்கண்ணாக என, எப்படி வேண்டுமானாலும் இவற்றை எடுத்துக் கொள்ளலாம். நம்மூர், கருடன் உருவமும் இந்த தொகுப்பில் இடம் பெற்றுள்ளது. கற்பனையாக படைத்த உருவங்களின் […]

பஷீர் நாவல்கள்; ஆசிரியர் வைக்கம் முகம்மது பஷீர், தமிழில்: குளச்சல் யூசுப், சுகுமாரன், காலச்சுவடு பதிப்பகம், விலை: ரூ.575/- தனிமனிதரின் உலகம் மிகப் பெரிய வெளிச்சங்களைத் தன்னகத்தே மிக ஆழத்தில் வைத்திருக்கிறது. ஆழத்தில் படிந்திருக்கும் அதிசயங்களைத் திறந்து காண்பித்தவர் பஷீர். எண்ணங்களிலும் வாழ்விலும் என்றுமே குறைந்திடாத பேரன்புகளைக் குழந்தைமையின் மாசில்லா வார்த்தைகளில் இலக்கியமாக்கியவர். வெவ்வேறு தருணங்களில் தமிழில் மொழிபெயர்க்கப்பட்ட பஷீரின் எட்டு நாவல்களையும் தொகுத்து ‘காலச்சுவடு’ வெளியிட்டிருப்பது தமிழ் வாசகர்களுக்கான ஒரு அழகிய பரிசு. வைக்கம் முகம்மது பஷீரின் நுட்பமான எழுத்துகளையும், இழையோடும் நகைச்சுவையையும், […]