லக்கி லூக்கை சுட்டது யார்?, ஐம்போ காமிக்ஸ், பிரகாஷ் பப்ளிஷர்ஸ், விலை 100ரூ. துப்பாக்கி வெடிக்கும் ஓசை, வீழ்ந்து கிடக்கும் லக்கி லூக் என்று புதிய கோணத்தில் தொடங்கி கொலையாளி யார்? காரணம் என்ன? என்ற ப்ளாஷ்பேக்கில் நகரும் கதை. அப்பாவுக்கும் மகன்களுக்கும் இடையே நடக்கும் கொலைவெறி கோல்ட் வேட்டை அது மக்களிடையே பரவி நடக்கும் கரகர சண்டைகள் என்று கதையும் படங்களும் ‘ஜிவ்’வுகின்றன. உச்சக்கட்டத்தில் லக்கிக்கு உயிர் பிழைக்கும் லக் இருந்ததா, இல்லையா? சுட்டது யார்? என்பது யூகிக்க முடியாத சஸ்பென்ஸ், சிரியஸ் […]

பழி வாங்கும் பாவை, மேக்ஸி லயன் காமிக்ஸ், பிரகாஷ் பப்ளிஷர்ஸ், விலை 150ரூ. நிறவெறியின் உச்சத்தில இருக்கும் அமெரிக்க ராணுவத்தின் கர்னல் அர்லிங்டன், அப்பாவி செவ்விந்திய கிராம மக்களை யுத்த தர்மத்தை மீறிக் கொன்று தீர்க்கிறார். நியாயத்தின் பக்கமே எப்போதும் நிற்கும் டெக்ஸ் வில்லர், செவ்விந்தியர்களுக்குத் துணையாக இருந்து, அமெரிக்க ராணுவக் கோட்டையைத் தகர்க்க வழி சொல்கிறார். செவ்விந்தியத் தலைவன் ப்ளாக் புல்லின் மனைவியோ கர்னலைப் பழிவாங்கத் துடிக்கிறாள். திகல், திருப்பம், திட்டமிடல் என்று மிரட்டலாக வண்ணச் சித்திரங்களுடன் கண்முன் காட்சியாக நகர்கிறது கதை. […]

நிழலும் நிஜமும், ஜம்போ காமிக்ஸ், பிரகாஷ் பப்ளிஷர்ஸ், விலை 200ரூ. சம்மரில் காமிக்ஸ் பிரியர்களைக் கூலாக்க வந்திருக்கும் ஜேம்ஸ்பாண்ட் 007 காமிக்ஸ். உளவாளிப் பெண் ஒருத்தியின் முகமூடி கலைந்துபோக, அவளைக் காப்பாற்ற வருகிறார் ஜே.பி. 007, அவரது வருகையும் தெரிந்துவிட, இரு நாட்டு உளவாளிகளுக்கு இடையே நடக்கும் உரசல்கள். இதற்கிடையே நாட்டில் ஆங்காங்கே நடக்கும் குண்டு வெடிப்புகளுக்குக் காரணம் யார் என்று கண்டுபிடிக்க, பாண்ட் செய்யும் உளவுப் பணிகள், பரபர சண்டைகள் என்று அதிரடியாக நகர்கிறது கதை. கிளைமாக்ஸில் வில்லன் யார் என்பது ரகசியம். […]

லயன் காமிக்ஸ், எஸ். விஜயன், பிரகாஷ் பப்ளிஷர்ஸ், காமிக்ஸ் புத்தகங்கள் படிக்கும் வழக்கம் கடந்த, 70 – 80ம் ஆண்டுகளில் அதிக அளவில் இருந்தது. பல நிறுவனங்கள் காமிக்ஸ் புத்தகங்களை வெளியிட்டிருந்தாலும், ஆங்கிலத்தில் வெளியான காமிக்ஸ் புத்தகங்களை தமிழில் மொழிபெயர்த்து வழங்கியதில் முன்னணியில் இருந்தது, முத்து காமிக்ஸ். பேன்டம் மற்றும் இரும்பு கை மாயாவி போன்ற கற்பனை கதாபாத்திரங்களில் வீரதீர சாகச கதைகள், வாசகர்களின் மத்தியில் பெரும் வரவேற்பை பெற்றிருந்தன. அந்த வரிசையில், சிவகாசியைச் சேர்ந்த, லயன் காமிக்ஸ் நிறுவனத்தார், ஆங்கிலத்தில் பிரபலமாக இருந்த […]

களவும் கற்று மற, எஸ்.விஜயன், பிரகாஷ் பப்ளிஷர்ஸ், விலை 75ரூ. சிறுவர் – சிறுமியரின் ரசனைக்கு இயன்றதொரு விருந்தை படைக்கிறது இந்நுால். திசை மாறிய இளைஞனின் தறிகெட்ட சிந்தனையுடனான சாத்வீக பயணத்தை மேற்கொள்கிறது. கதை நெடுக இளைஞனை ஆக்கிரமித்து வரும் கவிதைகளின் பின்னணி பற்றி, இந்நுாலின் இறுதியில் சிறிய குறிப்பைத் தந்துள்ளார் ஆசிரியர். அந்த குறிப்பும், இந்நுாலின் தலைப்புமே, அழகிய வண்ணப்படங்களோடு சிறார்கள் ஐக்கியமாகிட உதவும் திறவுகோல்கள் என்பதில் எள்ளளவும் சந்தேகமில்லை. நன்றி: தினமலர், 7/10/2018. இந்தப் புத்தகத்தை வாட்ஸப்பில் ஆர்டர் செய்ய: 9500045609 […]

ஹெர்லக் ஷோம்ஸ், ஒரு குரங்கு வே(சே) ட்டை, ஜம்போ காமிக்ஸ், பிரகாஷ் பப்ளிஷர்ஸ், விலை 115ரூ. கலகலப்பாக ஒரு காமிக்ஸ் புக் படித்து பலகாலம் ஆச்சு என்று ஏக்கப்பெருமூச்சு விடுபவர்களுக்காகவே வந்திருக்கும் விசேஷம் இது. ஹாலிவுட்டின் ஹெர்லக் ஹோம்ஸையும் மிஸ்டர் எக்ஸையும் கலந்து செய்த கலவை ஹெர்லக் ஷோம்ஸ். உதவியாளர் வேஸ்ட்சன்னுடன் சேர்ந்து காணாமல் போன குரங்கு, சிங்கங்கள், ஒரு சிறுமி ஆகியோரைக் கண்டுபிடிப்பதோடு, கொள்ளைக் கூட்டம் ஒன்றையும் விடிக்கச் செல்லும் சாகஸத்தில் இவரது ஒவ்வொரு மூமென்டும் சூப்பர் காமெடி. வித்தியாசமான கோணங்களில் வரையப்பட்ட […]

பிரியமுடன் ஒரு பிரளயம் (லார்கோ த்ரில்லர்), முத்து காமிக்ஸ், பிரகாஷ் பப்ளிஷர்ஸ், விலை 150ரூ. காமிக்ஸ் உலகின் ஜோம்ஸ்பாண்ட் குழுமத்தின் தலைவன், லார்கோ கலக்கும் காதல் மணக்கும் அதிரடி திரில்லர். சந்திக்கும் பெண்கள் பலரும் வீசும் காதல் வலைகளில் இருந்து தப்பித்து, இளம்பெண் ஒருத்தியின் அழகில் சிக்குகிறான் லார்கோ. அவளது அன்புக்குப் பின்னால், தீவிரவாதிகளின் சதி என்ற அபாயம் ஒளிந்திருப்பது தெரியாமலே அவளை நேசிக்கிறான். பயங்கரவாதத்தின் பல்வேறு முனைத் தாக்குதல்கள், லார்கோ சந்திக்கும் சவால்கள், ஒட்டுமொத்தமாக அவனது குழுவையே அழிக்க செய்யப்படும் சதி என […]

மௌனமாயொரு இடிமுழக்கம், ட்யுராங்கோ அதிரடி, முத்து காமிக்ஸ், பிரகாஷ் பப்ளிஷர்ஸ், விலை 250ரூ. சம்மரைக் கொண்டாட சாகசங்கள் நிறைந்த விறுவிறு காமிக்ஸ்! புரட்சிப்படை, கூலிப்படை, அதிகார வர்க்கங்களுக்கு இடையே நடக்கும் ஆக்ரோஷமான சண்டைகள், சதிகள், கொடுமைகள் என்று வன்மேற்கின் ரத்தவெறி யுத்தங்களைப் படம்படமாக நகர்த்தி பிரமிக்கச் செய்யும் த்ரில்லர். பள்ஸ் காதல், பாசம், வீரம் நிறைந்த ட்ராஜெடி என்று, கோடை மலராக இரட்டை காமிக்ஸ்! கதாநாயகன் ட்யுராங்கோவின் மின்னல் வேகமும், இடிமுழக்கமாக எதிரொலிக்கும் தோட்டாக்களின் சத்தமும் கோடை மழையாகவே காமிக்ஸ் பிரியர்களைக் கொண்டாடச் செய்யும் […]

தலையில்லாப் போராளி, பிரகாஷ் பப்ளிஷர்ஸ், விலை 200ரூ. சில ஆண்டுகளுக்கு முன் வெளியான ‘ஸ்லீப்பி ஹாலோ’ என்ற ஆங்கிலப் படத்தின் பின்னணியில் உருவாக்கப்பட்ட திரில்லர் படக் கதை. சுட்டுக் கொல்லப்பட்ட ஒரு போராளி தலையில்லா உடலாக குதிரை மீது அமர்ந்து வந்து கதிகலக்குவது போல உருவாக்கப்பட்டுள்ள இந்தியப் படக்கதைக்கு உயிரோட்டமான ஓவியம் மிகவும் உதவுகிறது. லயன் காமிக்ஸ் புத்தகத்துக்கே உரிய அத்தனை அம்சங்களையும் இதில் காண முடிகிறது. நன்றி:தினத்தந்தி, 20/4/2016.   —- அகந்தையின் அழிவும் அறிவின் உதயமும், சிதம்பர குற்றாலம், மணிமேகலைப் பிரசுரம், […]