ஒரே தேசம் ஓர் ஊர் சிலமனிதர்கள், வி.வி.ஆர், மணிமேகலைப் பிரசுரம், விலை 125ரூ. பல கதைகளும், கட்டுரைகளும் எழுதி புகழ் பெற்ற எழுத்தாளர் வி.வி.ஆர். எழுதிய முதல் நாவல் இது. ஆனால் முதல் நாவல் என்று சொல்ல முடியாத அளவுக்கு திகைப்பூட்டும் திருப்பங்களுடன் விறுவிறுப்பாக நாவலை எழுதியுள்ளார். நன்றி: தினத்தந்தி, 13/9/2017.

அகநானூறு, தொகுப்பு முனைவர் மா.பரமசிவன், இராசகுணா பதிப்பகம், விலை 300ரூ. பதிப்பாசிரியர் ராஜகோபாலார்யன் உரை எழுதி பதிப்பித்த அகநானூற்றுப் பாடல்கள் 91 முதல் 160 வரையில் உள்ள 70 பாடல்கள் இதில் இடம் பெற்றுள்ளன. பின்னிணைப்பாக ராஜகோபாலார்யன் உரை நெறியும் இடம் பெற்றுள்ளது. நன்றி: தினத்தந்தி, 13/9/2017.

கடல் தாவிய கதாநாயகன், முனைவர் கு. ஞானசம்பந்தன், வானதி பதிப்பகம், விலை 80ரூ. ராமதூதனாக கடலைத் தாண்டி இலங்கைக்குச் சென்றவர் அனுமார். சிரஞ்சீவி வரம் பெற்றவர். ராமாயணம், மகாபாரம் இரண்டிலும் இடம் பெற்ற ஒரே கதாபாத்திரம். அத்தகைய சிறப்பு பெற்ற ஆஞ்சநேயரின் பெருமைகளைக் கூறுகிறார் பேராசிரியர் முனைவர் கு. ஞானசம்பந்தன். நன்றி: தினத்தந்தி, 13/9/2017.

ஆனைமலைக் காடர்கள், முனைவர் ஜே.ஆர். லட்சுமி, மதன் மோனிகா பதிப்பகம், விலை 300ரூ. ஆனைமலைக் காடர்களின் வாழ்க்கை முறை, அவர்களின் குடில்களின் அமைப்பு, உணவுப் பழக்கங்கள், திருமணம் செய்யும் முறை, திருவிழா பற்றிய அனைத்துத் தகவல்களையும் இந்த நூலில் முனைவர் ஜே.ஆர். லட்சுமி பதிவு செய்துள்ளார். ‘இவர்களுக்கு கல்வியறிவு, இடஒதுக்கீடு பற்றியெல்லாம் ஒன்றும் தெரியவில்லை. பெரும்பாலானோர் படிப்பறிவு இல்லாதவர்களாகவே இருக்கிறார்கள்’ என்ற வேதனையையும் அவர் இதில் வெளிப்படுத்தி இருக்கிறார். நன்றி: தினத்தந்தி, 13/9/2017.

கன்னடியர் மகள், சு. சண்முகசுந்தரம், காவ்யா, விலை 100ரூ. இது வள்ளியூரைக் களமாகக் கொண்டு ஐவர் ராஜாக்கள் கதையைத் தழுவி எழுதப்பட்ட நாவல். இதை சுந்தரபாண்டியன் என்ற புனைப் பெயரில் பேராசிரியர் சு. சண்முகசுந்தரம் எழுதியுள்ளார். கர்நாடகம் மற்றும் தமிழ்நாடு ஆகியவற்றின் பண்பாடு, வீரம் ஆகியவற்றை இணைக்கும் ஒரு இணைப்பு பாலமாக இந்த நாவல் திகழ்கிறது. நன்றி: தினத்தந்தி, 12/7/2017.

சிந்துவெளி ரகசியங்கள், சு. சீனிவாசன், அறிவியல் வெளியீடு, விலை 40ரூ. சிந்து சமவெளி நாகரிகம் 5 ஆயிரம் ஆண்டுகளுக்கு முற்பட்டது. அங்கு புதைந்துபோன நகர அமைப்பைப் பார்க்கும்போது, நாகரிகத்தின் உயர்நிலையில் இருந்த சமூக அமைப்பு வாழ்ந்ததற்குச் சான்றாக விளங்குகிறது என்ற விவரங்களை இந்த நூலில் சு. சீனிவாசன் எளிமையாக எடுத்துக்கூறுகிறார். நன்றி: தினத்தந்தி, 12/7/2017.

வாழ்வில் வெற்றி பெற இதிகாசங்கள், கவிஞர் பாரதன், மணிமேகலைப் பிரசுரம், விலை 80ரூ. ராமாயணம், மகாபாரதம் ஆகிய இதிகாசங்களை புதிய பார்வையில் ஆய்வு செய்து கவிஞர் பாரதன் எழுதிய கட்டுரைகளைக் கொண்ட நூல். சரளமான நடை, சிந்தனைக்கு விருந்தளிக்கும் கருத்துகள். நன்றி : தினத்தந்தி,23/8/2017.

இனியெல்லாம் பிஸினஸே!, எஸ்.பி. அண்ணாமலை, ஒய்யே பப்ளிகேஷன்ஸ், விலை 500ரூ. தொழில் துறையில் கோலோச்சும் முதல் தலைமுறை தொழில் முனைவோர், வியாபாரக் குடும்பத்தில் இருந்து புதிதாகச் சிந்தித்து தனிப்பாதை கண்டவர்கள் என 52 பேருடைய வெற்றிக்கதைகளை இந்த நூலில் பதிவு செய்துள்ளனர். கோவை உண்ணாமுத்து, மதுரை கமலக்கண்ணன், ஆஸ்திரேலியா செந்தில் உள்பட 52 நகரத்தார்கள் இதில் இடம் பெற்றுள்ளனர். இதை எஸ்.பி. அண்ணாமலை தொகுத்து வழங்கியுள்ளார். முதலீட்டைப் புரட்டும் முறை, பணம் இல்லாவிட்டாலும் வியாபாரம் செய்யும் வாய்ப்பு, வங்கிக் கடன்களைக் கையாளுவது என்று தொழிலில் […]