ஆரோக்கிய வாழ்விற்கு மெய்ஞ்ஞானமும் விஞ்ஞானமும், ஆசிரியர் கயிலை சிவம் நாக. சுந்தரமூர்த்தி, மணிமேகலைப் பிரசுரம், விலை 90ரூ. ஆரோக்கிய வாழ்க்கைக்கு வழிகாட்டும் நூல். மன உளைச்சலில் இருந்து மீள்வதற்கான வழிகளை தெளிவாகச் சொல்கிறார் ஆசிரியர் “கயிலை சிவம்” நாக. சுந்தரமூர்த்தி. நன்றி: தினத்தந்தி, 12/7/2017,

ஆரியருக்கு முற்பட்ட தமிழ்ப்பண்பாடு, புலவர் கா. கோவிந்தன், ராமையா பதிப்பகம், விலை 90ரூ. நாகரிகத்தில் சிறந்தவர்கள் தமிழ் மக்கள். ஆரியர் வருகைக்கு முன்பு அவர்கள், வாழ்ந்த வாழ்க்கை நிலை பற்றி ஆய்வு செய்வதே இந்த நூலின் நோக்கம். தமிழர்களின் பழக்க வழக்கங்கள், பண்பாடு, நாகரிகம், சமுதாய அமைப்பு முறை, திருமண முறை, வணிகம் என பல்வேறு வாழ்க்கை முறைகளை சங்க இலக்கிய சான்றுகளுடன் புலவர் கா.கோவிந்தன் தொகுத்தளித்துள்ளார். நன்றி: தினத்தந்தி, 12/7/2017,

முஸ்லிம்கள் ஆண்ட இந்தியா, மஹதி, யுனிவர்ஸல் பப்ளிஷர்ஸ், விலை 170ரூ. முதுபெரும் எழுத்தாளர் ‘மஹதி’ எழுதிய நூல். முதல் பகுதியில் ‘விடுதலைப் போரில் வீர முஸ்லிம்கள்’ என்ற தலைப்பில் கான் சாகிபின் கடைசி நாட்கள், திப்பு சுல்தான் கடைசி நாட்கள், முதல் புரட்சி, மலையாள மாப்பிளைமார் புரட்சி ஆகியவை இடம் பெற்றுள்ளன. இரண்டாம் பகுதியில், ‘முஸ்லிம்கள் ஆண்ட இந்தியா’ என்ற தலைப்பில், இந்தியா மற்றும் தென்னகத்தில் நடந்த முஸ்லிம்கள் ஆட்சி பற்றியும், அதனால் விளைந்த நன்மைகள் குறித்தும் எழுதியுள்ளார். குற்றவாளி கூண்டில் அவுரங்கசீப், ஹைதர் […]

சிலப்பதிகாரம், பேராசிரியர் நன்னன், எழிலினி பதிப்பகம், விலை 600ரூ. 94 வயதான பேராசிரியர் நன்னன் 724 பக்கங்களில் இளங்கோவடிகள் அருளிய சிலப்பதிகாரம் நூலை தமிழ் கூறும் நல் உலகுக்கு விளக்கவுரையுடன் வடித்து தந்திருக்கிறார். சிலப்பதிகாரத்தின் ஒவ்வொரு பகுதியையும், முழுப்பாட்டு, அந்த பாட்டின் உரைப்பாட்டு, அதன் பொழிப்பு, அதில் உள்ள அருஞ்சொற்களின் பொருட்கள், அந்த பகுதியின் விளக்கம் என்று எல்லோருக்கும் எளிதில் புரியும்படி எழுதி இருக்கிறார். சிலப்பதிகாரம் வாழ்க்கைப் போராட்டத்தை எடுத்து இயங்கும் காப்பியம் என்று கூறியுள்ள பேராசிரியர் நன்னன், கண்ணகி தன் வாழ்வை இழந்து […]

வெளிச்சம், முனைவர் ஆ.ஸ்டீபன், ஈ. குழந்தைசாமி, காகிதம் பதிப்பகம், விலை 60ரூ. குறும்படமாகத் தயாரிக்கப்பட்ட “வெளிச்சம்” நாடகம். இப்போது நூல் வடிவில் வெளிவந்துள்ளது. பார்ப்பதற்கு மட்டுமல்ல, படிப்பதற்கும் சுவையான நாடகம். நன்றி: தினத்தந்தி, 26/7/2017,

எம்.ஜி.ஆர். ஒரு சகாப்தம், ஜெ.சி.டி. பிரபாகர், இதயக்கனி பிரசுரம், விலை 60ரூ. மறைந்த முன்னாள் முதல் அமைச்சர் எம்.ஜி.ஆர். குறித்து 20 தலைப்புகளில் எழுதப்பட்ட கட்டுரைகள் நூலாக தொகுக்கப்பட்டுள்ளது. இதனை படிப்பதன் மூலம் எம்.ஜி.ஆரின் இயல்பான குணங்களை முழுமையாக நாம் அறிந்துகொள்ள முடியும். நன்றி: தினத்தந்தி, 26/7/2017,

விநாயகர் பற்றிய அற்புதமான விஷயங்கள், சிந்தனையருவி இரா.ரெங்கசாமி, மணிமேகலைப்பிரசுரம், விலை 110ரூ. விநாயகர் பற்றி புராணங்களில் சொல்லப்பட்டுள்ள சகல விவரங்களும் இந்தப் புத்தகத்தில் உள்ளன. அத்துடன் விநாயகரின் ஜாதகமும் இடம் பெற்றுள்ளது குறிப்பிடத்தக்கது. நன்றி: தினத்தந்தி, 26/7/2017,

சிவயோகி மா.இரத்தின சபாபதிப்பிள்ளை படைப்புகள், பேராசிரியர் முனைவர் நல்லூர் சா. சரவணன், சைவ சித்தாந்தப் பெருமன்றம், விலை 450ரூ. விநாயக புராணத்தை அடிப்படையாகக் கொண்டு அவ்வையார் ‘விநாயகர் அகவல்’ நூலுக்கு யோகத் தெளிவு தந்து விரிவாக விளக்கமளிக்கப்பட்டுள்ளது. அத்துடன் திருமந்திரத்திற்கு எழுதிய முன்னுரை, திருமந்திரத்தின் அனுபவ முறை, திருமந்திரத்தின் மூலமான மரணமிலாத் தன்மை எனத் திருமந்திரத்தை விளக்கும் சிவயோகியின் பிற நூல்களும் வரிசைப்படுத்தப்பட்டுள்ளது. கடவுளை அடைய உடலைப் பயன்படுத்தும் நெறிமுறைகளை தெளிவாக விளக்கும் நூல். நன்றி: தினத்தந்தி, 26/7/2017,

நான் ஜிபு மற்றும் புற்றுநோய், ம. அஹமது நவ்ரோஸ் பேகம், என்.ஜே.பதிப்பகம், விலை 30ரூ. தன்னுடைய 11 வயது மூத்த மகனுக்கு ரத்தப் புற்று நோய் என்றதும் துடித்துபோன தாயின் துயரத்தையும் வேதனையையும் ம.அஹமது நவ்ரோஸ் பேகம் இந்த நூலில் பதிவுசெய்துள்ளார். தொடக்கம் முதல் இறுதி வரை விழித்திரைகளில் கண்ணீர் திரையிடுகிறது. துயரம் நெஞ்சை அடைக்கிறது. நன்றி: தினத்தந்தி, 26/7/2017.